2019年4月22日 星期一

受傷患困擾

平時間中都有同d同事踢下波, 都係玩玩下多, 唔會認真埋牙肉搏,踢得十分斯文, 岩晒我呢d咁錫身既人。

再對上既星期二(9號)又約埋返工前踢返場, 踢左大半個鐘既時候, 我見隊友進攻期間俾人清返出黎, 個波咁岩彈去我度, 期間有對手應面黎搶波, 平時我應該會即時傳出去, 固日心月來潮, 突然黎個轉身想過人, 結果人地收唔切踢左落黎,我失平衡右鞋頭啄左落地跟住向前仆, 即刻倒地不起, 抖左陣勉強可以趷下趷下返場邊, 隻右腳都腫過豬蹄, 工都返唔到, 等佢地踢完就搭的士返樓下睇跌打, 睇完"膚"左藥, 借左兩枝拐杖趷住返屋企, 點知隻右腳越黎越痛, 痛到趷都趷唔到, 諗諗下驚d骨有事, 於是飛的去將軍澳醫院睇急症,本來話唔緊急可能要等4個鐘, 不過見完分流既姑娘之後, 等左四五個字醫生初步就黎望過隻腳, 一襟我已經痛到慘叫, 就安排照X光, X光唔洗點等,照完又等左近半個鐘, 可以見醫生, 我最想知d骨有無野, 好在無事, 最尾話開消炎止痛藥, 寫左5日SL俾我, 再等左陣拎藥單攞埋藥就走, 都唔洗兩個鐘, 可能隻豬蹄都有少少緊急。





之後幾日, 由於醫生話骨無事, 就keep住落樓下睇跌打, 整到第一二日, 隻右腳都痛到行唔到, 第三日開始雖然都好痛, 但用拐杖勉強趷到, 但每朝瞓醒起身o固下都痛到行唔到, 要過一陣先會好d。本來以為會一路好轉, 但過左幾日都重係咁痛咁腫, 樓下個跌打佬有日重幫我放埋血,諗住會好d, 點知第日都重係咁樣, 上網睇下人地整親會點醫, 有d人整親好耐無好好多都會去照磁力共振有d就話睇骨科, 醒起表姐之前o係醫療集團工作, 就問下佢有無相熟骨科醫生, 佢於是介紹左個醫生俾我, 好在第二日醫生有時間, 即刻約實去睇。




第日帶住隻痛腳去睇,間野o係海洋公園站附近, 一入醫院大堂, reception小姐即刻埋黎問我係咪睇骨科, 重帶我過去, 期間重關心下你點樣整親, 走重會同你講希望你早日康復, 果然俾得多d錢服務係好好多。 登記完都等左一段時間終於見醫生, 醫生見我隻豬腳重以為我整親無耐, 我一同佢講成個禮拜佢即刻話做乜咁耐先黎睇, 我再同佢講其實睇左急症同跌打, 之後再問下我野再襟下隻腳, 佢話成個禮拜都重咁腫驚d骨有事, 建議再照, 雖然阿公醫院照過, 不過醫生咁講都聽啦! 照完睇片, 醫生又話真係無事wow, 跟住同我講d韌帶同筋膜整親, 所以重係咁痛, 叫我著個Air Cast既腳套, 一行就著, 保護同固定返隻腳, 因為無乜其他野可以做, 要時間先好得返, 但我本黎係想做埋磁力共振, 於是再問佢洗唔洗做, 佢話唔洗啦,因為都肯定係韌帶同筋膜受傷, 再做都只係多樣野証實, 咁我梗係聽佢講, 咪當慳返d, 雖然都會claim保險, 但未必claim得足ma。個醫生話寫完病假俾我, 再去康復中心揀岩腳套size, 攞埋藥俾錢就走人, 安裝左個推進器, 可以由普通龜速變做3倍龜速。(結果保險應該唔包隻推進器)



到今日隻右腳都重係有dd痛, 但都好過之前好多啦,依家仍在停工中, 希望快少少可以行動自如返就好啦!




20 則留言:

  1. 好在有呢種產品協助,如果成日單腳跳對隻好腳做成大負荷。。。祝你早日康復。

    回覆刪除
  2. 祝早日康復! 我都試過,當時幾個月才好... 看來你應該無咁嚴重,再休息幾天就好了 ^_^

    回覆刪除
    回覆
    1. 呢幾日康復進度好似唔錯, 希望好似你講抖多幾日就會好。

      刪除
  3. 回覆
    1. 正是Aircast, 你唔覺得著左有d似機械人隻腳咩?

      刪除
  4. 祝早日康復~!!
    估唔到咁嚴重,踼波認真就輸了@@

    回覆刪除
    回覆
    1. 其實一d都唔認真, 玩樂性質而, 不過意外就係意外。
      多謝關心

      刪除
  5. Have a quick recovery! 賢兄要多哋休息🍀

    回覆刪除
  6. 保重,傷咗韌帶筋膜康復時間會長啲,當休大假囉。

    回覆刪除
  7. 拗一拗,已經咁嚴重
    祝早日康服

    回覆刪除
    回覆
    1. 係wow, 之前打波拗柴都無咁嚴重。
      多謝關心

      刪除
  8. 原來咁嚴重, 希望將來好番, 去踢波或做其他運動, 心理沒什麼陰影吧.

    回覆刪除