2018年12月31日 星期一

18年小年結

眨下眼咁快又一年, 又係做年結既時候。

股票收入: +377966.9
18年賣左唔少股票, 沽清剩低既龍翔同所有惠記, 賣龍翔賺97037.3, 賣惠記賺280929.6。龍翔同惠記都持有左一段時間, 老實講, 雖然兩隻都有錢賺,不過賣龍翔做得好d, 龍翔賣出價比現價高, 但惠記賣出傾就比現價低。

股息收入: +102684
雖然18年賣左唔少股票, 但因為收左惠記一轉息,同埋加注左葉氏, 所以18年收既息同17年差唔多, 不過如果黎緊唔投入返部份資金既話, 新一年就會少收啦, 不過咁, 如果係為收息而賺息蝕價我就更加唔想。

互助社利息: +6053.4
18年收既利息比17年得8舊水多唔少, 原因係17年開始每個月擺多左錢落去終於開始有d成果, 黎緊除非有其他投資, 如果唔係都盡量唔郁呢筆資金住, 始終互助社既風險較低, 真係想有多d流動資金用最多每月唔再擺咁多錢落去。

持股賬面回報: -254100
依家得返葉氏o係手, 賬面蝕近兩成半, 好肉赤, 有息收叫減少dd出血量。

年度回報: +486704.3
18年都有一定既回報, 主因係以為買落既股票, 不過依家手頭得返d蟹貨, 黎緊就無咁樂觀啦, 只係希望d蟹貨唔好再跌咁多就好啦!

4 則留言:

  1. 嘩.好好成積la
    重要有咁多現金等買貨,勁

    回覆刪除
    回覆
    1. 咁多年先賺少少, 算乜鬼野好成績。

      刪除
  2. 持貨太耐一直坐艇都蝕好多時間成本, 有時我也唯有止蝕換馬到更有把握的股票.

    回覆刪除
    回覆
    1. 好多人都無乜諗到時間成本, 對我地有限資金既人, 呢個成本都唔平

      刪除