2018年4月20日 星期五

空襲敍利亞

早兩日,美英法三國聲稱敍利亞政府軍曾用化武,於是發動聯合空襲。但要留意,空襲之前,聯合國都未派人去調查事件,而人民所知既,都只係由傳媒所講既得知,但到底傳媒講既係咪真係事實? 大眾根本無從得知。傳媒理應有其操守,不過現實係傳媒都要食飯,唔少傳媒都係受人操控,而今次化武事件,如果真有其事,但係咪一定敍利亞政府軍所為? 還是有人插贓? 未調查又點會知? 但傳媒一面倒稱係敍軍所為,大眾好自然就會認為事實如此。政治從來都係利字當頭,黑過墨汁,今次化武事件到底背後有無陰謀,我地呢d蟻民又點會知,不過咁,三個發動空襲既國家,似乎都過左國力最鼎盛既時期,法國雖然號稱歐盟大國,但同大哥德國已經無得比擬,依家如果同人講去法國旅行,我諗最常聽到既係叫你小心財物,可以想像當地真正既經濟狀況會係點。英國早已唔係以前既日不落帝國,唔好以為重係以前007既光輝時代,脫埋歐前景更加唔明朗。老美貴為世界一哥,英法當然同佢無得比,以往老可以透過軍事力量操控美元政治干預去掠奪其他國家,養成自身既貪婪,依家唔透過掠奪根本解決唔到自身既經濟問題,以前由於佢夠勁,其他國家都耐佢唔何,但唔等於其他國家無不滿,所以先有歐盟既成立,希望能抗衡老美,而近年中國掘起,老美想好似以前咁任意掠奪變得無咁容易。

到底邊個國家o係敍利亞獲益最多,我真係唔知,淨係知道敍利亞受害者,弱國就只有被魚肉,慶幸中國總算有咁上下實力,起碼唔會俾人將自己國土做戰場。

11 則留言:

  1. 俄國的油管經敍利亞去西歐, 而沙特阿拉伯也想輸油去西歐, 但敍利亞親俄所以唔批, 就係利益之戰 ! 美國當然幫沙特阿拉伯啦 !

    回覆刪除
    回覆
    1. 無利益既又點會有其他國家去敍利亞攪攪震,其實國國都各懷鬼胎。

      刪除
  2. 其實政治野真係得個吹字. 所以我也不想太多了.

    但呢單野似是做show多. 美英法也不會真的認真開火. 俄佬也沒再說什麼, 感覺上大家都想慢慢淡化事件便算了.

    唉,政治由始至終都是為自己利益的game theory, 何來永遠的朋友或永遠的敵人. 可能過一年兩年, 普京同trump握手大合照, 真係唔出奇.

    回覆刪除
    回覆
    1. 政治真係不用多想,背後實在太黑暗,當中利益亦唔係直接落到我等蟻民度。
      的確有可能有一日普京同侵侵會握手大合照,但美俄同美中既關係相信都唔會好似表面握手咁好,除非中俄會好似英法咁做老美小弟啦!

      刪除
    2. 你有利益俾我就是朋友, 阻我發達就是敵人 !
      美國依家週圍收保護費, 又大賣軍火, 無戰爭又點賣軍火呢 ?

      刪除
  3. 弱國無外交,其子民也只能任由外人魚肉。所以生活在香港,已是很幸福的事👍

    回覆刪除
    回覆
    1. 弱國只會被人掠奪,古時就打仗,依家就透過軍事政治干預同經濟進行掠奪。

      刪除
  4. 作者已經移除這則留言。

    回覆刪除
  5. 睇完石SIR篇文(見下LINK),就知弱國無外交。每次都咁啱政府軍勢頭好,就話有化武。今次仲要三大國聯手放幾個導彈?其實自美帝用"擁有大殺傷力武器"為原因拿下伊拉克,是與非都唔多需要求證。拳頭夠大,應該就係真理,除非唔係...
    https://skypost.ulifestyle.com.hk/article/2054328/%E4%B8%8D%E7%94%A8%E5%B0%8D%E8%AD%89

    回覆刪除
    回覆
    1. 弱國只有任人宰割,所以祖國雖然有好多地方都唔完善,但都重好過積弱任人魚肉。

      刪除