2017年12月28日 星期四

玩物喪志


呢排少左update個blog,因為唔計之前賴野既經歷,投資方面都無乜好寫,二黎最近多左野玩,買左唔少聖鬥士figures要砌,早排買左ps4喪打fifa,聖誕前又買左個電子標靶返屋企玩,真係唔夠時間玩😂😂😂。自己以前都無諗過會買個標靶,不過早排同同事去扔鏢,發覺又幾好玩wow,但自己玩得勁渣,點知俾我見到原來有d家用標靶,玩法接近街機,不過價錢都唔平成千六蚊多d,但自己又貪玩,成日心癢癢想去睇下,一睇就決定買,再買埋套標,埋單成二千一蚊鬆d。搬左黎新屋之後,玩具方面洗左唔少錢,買聖鬥士買左近萬銀,PS4成4千蚊左右,套標又成2千1蚊鬆d,不過無計啦,自己想買就忍唔住去買,不過下年應該唔會買咁多玩具,一黎預留擺聖鬥士既位置漸近飽和,未來要揀真係鍾意先會買,而遊戲機標靶又買左,暫時都無新目標,或者等開發左既位置先會再買到多d玩具lu。

2 則留言:

  1. PS 1~2 我都有買 始終覺得舊遊戲好玩啲

    回覆刪除
    回覆
    1. 當時PS1-2既機能比其他家用機勁,可以做到好多以前做唔到既效果,突破性較大。

      刪除