2017年10月15日 星期日

買遊戲機中伏記



搬左新屋都大半年,本來一早就想買返部新遊戲機,但早排個個月都買聖鬥士既figure,買買下已經十四隻,結果就將買機既計劃越推越後。到左上個星期日,雖然重有三隻figure未開封,都忍唔住要去買遊戲機。由於對上部機已經係好多年前買既x box,印象中都係黃金買機抵,於是死人尋舊路去返黃金買。去到黃金,身為精明消費者梗係格下價先啦!其間見上次買x box間鋪頭仍健在,之前買過都妥妥當當,本來想翻兜,不過見一場黎到,都係問埋其他先,結果搵到間賣平一舊水既,於是就幫襯佢。我買既係PS4 Pro 既Fifa 套裝,3380,平過其他一舊,個店員話可以跟o係三樣配件揀一樣,有直立座+無線手制充電器,第二樣唔記得係咩,第三樣係hdmi線,問個店員條hdmi線有咩特別,佢聲稱出到4k,話買得Pro都想出到4k既畫質,俾佢講兩講又好似有d心郁,就話要條線啦!跟住佢先話要加錢,原來唔係跟機送而係可以加錢跟機換,由於聽完條友講,最終我都加錢換左條hdmi線。返到屋企滿心歡喜開機玩,突然發現跟機應該有三個月既月費卡竟然無左,再上網睇返條hdmi線應該唔洗咁貴,雖然機價平左一舊,但最終竟然反損失二舊幾水,數目係唔多,心情不爽事大,不過只怪自己太on9, 老實講,人地無强迫買條線,而張月費卡係自己check貨時漏左招,要說人家黑店又唔公道,不過就唔算老實lor,所都要公開提醒大家,如要買機小心呢間野,恒進遊戲專門店。

8 則留言:

  1. PS4 Pro 唔係真4K, 我覺得唔玩 VR 唔駛買 PRO
    PS4 BUNDLE 2380 連 3隻 GAME 好似仲抵

    回覆刪除
    回覆
    1. 我本來都想買2380,不過有人話買pro遲下玩埋vr,唯有俾多d la

      刪除
    2. VR 普及要時間,個人建議買Pro 之前試玩vr 先。但買左機就唔好諗啦,玩啦!

      刪除
    3. 之前玩過VR,感覺未成熟,但亦可能係遊戲問題,不過好似你咁講,買左就算啦

      刪除
  2. 200幾一條 Hi Speed HDMI? 入門版Audioquest 短線都買到條喇!

    回覆刪除