2017年10月7日 星期六

微訊的股票推介

呢排股市暢旺,可惜自己d股票唔爭氣,完全無受惠,早排重多手買左700既認沽期權,輸到hihi。

o尋日收市之後,開返個網頁睇下d股票,結果得隻惠記似樣dd,叫有3%升幅,其餘都無料到。但再望望最近睇過既股票list,入面有幾隻一日就有成20%+既升幅,而呢幾隻股票,o係wechat入面無啦啦有人add我,閒聊時話俾我知既,所以就曾經睇過,不過有趣既係,唔止一個wechat人講過呢幾隻股。之前wechat成日都有d美圖秀秀女,成日話幾日就賺唔知幾十%,其實就係sell倫敦金,依家原來興wechat推介股票,睇返呢幾隻股近一個月既情況(佢9月頭至月中推介),有跌唔少,有差唔多,亦有升好多既,而跌既o固隻,都會係某d日子突然升唔少。咁樣推介股票點都好過倫敦金既,起碼只係同你講邊隻股叫你接貨,好彩既真係執到唔少,但自問無本事一日就賺十幾廿個巴仙lu。不過亦都睇到有錢人要賺錢又真係幾咁容易,只要花少少錢就可以快快地大賺一筆,窮人既我地玩價值投資唔知要幾耐先等於人地一次賺咁多。

6 則留言:

  1. D女係咪除左呢D工就無野好做

    回覆刪除
    回覆
    1. 話唔定頭像同真人唔係同一個人,唔係女都唔出奇。

      刪除
    2. 通常係一女一男配合,或一女多男配合,女係真既,男就負責文字訊息交流,鈎到魚見客條女先會出現~幾有team work :)

      刪除
    3. 我遇到既微訊女應該只係推介股票搵老散接貨,而唔係釣魚o固種。

      刪除
  2. 每日9up一隻tips....間中貼中一次就搵到水魚

    回覆刪除