2017年8月27日 星期日

估錯既葉氏中期業績

葉氏早個幾兩個禮拜出左中期業績,純利5千幾萬,按年跌4.9%,股價亦即時反映由3.3左右跌到依家2.9。老實講,睇到呢個業績,真係令人好失望下,營業額多左但純利少左,期內負現金流,借貸上升左,講差又可以話係好差,不過完全唔達我既預期,原本見上年度下半年業績勢頭好好,預期今年上半年應該都唔錯,而結果竟然係賺少左,雖然自己唔係咩專家,但睇完呢份業績,都認為下半年都唔會有咩大躍進,之前三個幾分幾次入左d貨,已經變成賺息蝕價,其實以依家呢個業績,現價至之前三個幾既買入價都仍算合理,但唔係平,而買入時係預期業績會唔錯,當時覺得係抵,依家睇返証實自己係錯,現階段會繼續持有,始終仍在自己覺得既合理價內,再跌至自己覺得抵既水平甚至會再入,不過會密切留意全年業績,如果唔對路都要忍痛斬鑬。

8 則留言:

  1. 都比我預期略差,我唔係好識,關唔關佢之前用左1.3億買辦公室要入數,所以賺少左??

    不過我想增持現金,佢係我組合內最低息率,所以放棄左佢羅

    回覆刪除
    回覆
    1. 佢就話因為原材料漲價,而轉嫁消費者要時間反映,同埋洗左幾千萬優化設施以達環保要求同請顧問協助控制成本。其實業績係ok既,但同預期差太遠,而營業額升純利跌,我係驚整個行業轉差加唔到價而未能將成本轉嫁,所以年終要密切留意。

      刪除
  2. 佢好似留左一大舊錢去優化設備同改善生產?

    回覆刪除
    回覆
    1. 係,為左日益提高既環保標準,用左唔少錢去優化設施

      刪除
  3. 呢d 中小型股, 仲係實業類, 係好難玩既, 即使詳細諗過計過, 都好難估中佢地既成績. 我隻時代集團都食晒屎. 唯有止蝕當上一課.

    不過, 呢類股既好處, 係買中行業低谷, 間公司可以捱過, 回升期的股價爆發力可以好勁.

    回覆刪除
    回覆
    1. 好老實,依家做實業真係唔易做,相比起新興既行業真係無得比,市場亦唔重視,但社會始終需要有人做實業,有實力既實業公司,o係經濟不景氣既時候更能站得住腳,無咁容易會消失,但都要睇行業既發展。時代集團衰在行業整體唔多掂,做代工始終利潤有限,開展新業務零售要面對網上購物既兢爭同一段摸索階段,亦唔容易,相信要一段長時間,挨過最壞既時間先有返身機會,止蝕絕對做得岩。不過好似你所講,挨得過重要捕捉到一個近低位,回報會相當可觀

      刪除
  4. 偉哥新文...上游起、下游死, 原材料價升, 成本上漲

    回覆刪除
    回覆
    1. 我睇左偉哥編文啦!!
      我係忠實擁躉黎。
      我見佢唔少fans留言d二線股都唔多掂。

      刪除