2017年8月1日 星期二

新屋總開支

新屋入左伙都成三個月,不過因為有dd野要執漏,所以7月頭攪掂晒先俾埋尾數,裝修總共用左近21萬,其實如果無乜要求既話,間屋本身都翻新個下,有晒廚櫃廁櫃,買家私就住得,不過上手都住左十鬆d年,d櫃都殘晒又有污積,唔做深層清潔真係接受唔到,而且間屋既style實在太outdated,重係十幾年前居屋既布置,地板重係啡色既柚木地板,而最肉酸係廁所既裝修,本來自己都覺得唔多好睇,不過老婆一講話成個公廁之後,俾佢一講完又真係wow,本來想細執,諗諗下都係把心一橫,決定全屋翻新過佢! 除左裝修之外,買傢私都洗左唔少,用左8萬3蚊多d,成間屋用左29幾萬,不過自己住得舒服既話,應該洗既錢都係要洗既,錢賺完唔洗又有咩意思,咁樣多多錢都無用啦!

8 則留言:

  1. 呢d都係一次性開支, 自己住得舒服, 而且老婆日後不會再嘈, 呢d開支當然值得比呢.

    回覆刪除
    回覆
    1. 咁有d錢真係唔慳得既,住得舒服其實係賺左架啦!

      刪除
  2. 裝修可以日日享受喎。當你住十年,除返開每日駛費先得$80,食餐飯都唔見咗啦。 (Sales Tone)

    回覆刪除
    回覆
    1. 再住多d時間會重平d,計落係抵俾既

      刪除
  3. “唔做深層清潔真係接受唔到”
    同意,我自己都有潔癖,住屋最重要舒適開心,所以花哋錢係必須的。

    回覆刪除
    回覆
    1. 始終上手都住左一段時間,有污積都梗架啦!唯有大翻新先解決到。

      刪除
  4. 回覆
    1. 咁又係,起碼唔會因為間屋日哦夜哦

      刪除