2017年6月1日 星期四

強迫金部署@ 2017-05-31

o尋日又攪攪自己個強迫金,將部份強迫金由高風險轉返落保本基金度,為數131329,當中27749係盈利。

早幾日先話覺得現金水平高,會擺返多少少資金落有信心既股票度,依家又將股票基金轉去保本基金,咁鬼矛盾。哈哈!人生就係充滿矛盾架啦!的確,早幾日先用左十四萬左右買股,o尋日又轉返十三萬多d去保本基本,咁現金水平咪又差唔多,不過咁,一黎我都無話唔會再入市,依家仍等候緊時機同物色緊目標,二黎就算同一筆金額,據往績自己操作比強迫金好,所以咁樣做,就算最終入唔到市,回報都會比較好。

依家強迫金既股票基金同保本基金比例,由5:5去到3.8:6.2。

2 則留言:

  1. MPF咁多限制又唔同玩法既

    回覆刪除
    回覆
    1. 咁MPF同自己投資真係無得比,不過當買股票基金係一籃子既股票,保本就cash,咁會感覺好d

      刪除