2017年4月23日 星期日

百幻強迫金

強迫金應該係打工仔最唔鍾意既其中一項政策,話就話為左保障退休生活,但最大的益係班基金佬,講真供左咁多年,如果可以俾我自己投資,回報一定好過強迫金唔少,不過既然無得揀,唯有希望自己間中轉換下,希望o係唔好之中叫做得無咁差。

經過左十幾年既供款,最近終於達至百幻大關。依家強迫金有一百零一萬左右,賬面賺緊近九萬蚊,而之前亦已經變現左近九萬蚊既盈利,扣除賬面及已變現盈利,大約供左八十萬,自己應該供左廿幾萬,其他就公司供。好老實講,透過轉換投資基金所賺既其實唔算好,比起個人投資真係無得比,而能夠突破百萬,主因係公司供款比一般多,純粹只係供款較多而達成。

現階段大約五成資金擺左o係保守基金,其餘擺o係唔同既股票基金度,新供款繼續保守,大市喪升就再將股票基金續d轉去保守基金鎖定盈利,真係大跌就將保守基金入股票基金,希望o係公司供款較多既先天優勢下能夠繼續持盈保泰,到退休能夠有筆唔錯既金額。

10 則留言:

  1. 回覆
    1. 或者表達得唔好,其實只係將之前部份低位買既股票基金o係較高位既情況換去保守基金,當中所得既盈利。

      刪除
    2. 原來係咁。我自己親身試過既變現方法係轉工,將強積金總額減去減少最低強積金利益,多出來既可以即時落袋。

      我的職業退休計劃(ORSO)離職安排有提及呢樣野。

      刪除
    3. 我都唔知可以咁樣套返d錢出黎添,不過轉工我多數唔會lu

      刪除
  2. 强迫金賺咁多好叻叻👍相信唔少打工仔都會葡萄言兄😂

    回覆刪除
    回覆
    1. 其實回報好低,叫做比唔洗蝕好,純粹係供得多。

      刪除
  3. 回覆
    1. 你d mpf點綴下姐,唔同我,我既強迫金已經佔資產唔少。

      刪除
  4. 好勁喎有咁多強迫金,識得轉換下基金,長遠呢個都夠退休
    我得30個到,60歲都唔知有冇100

    回覆刪除
    回覆
    1. 其實轉換方面做得麻麻地,唯一係公司比法定水平供多唔少,先有咁既成績。

      刪除