2017年4月12日 星期三

第一隻聖鬥士入手


一講男人的浪漫,唔少人會覺得係豆腐火煵飯,不過我就無乜感覺,咪就普通碟頭飯。要講我既男人的浪漫,就係模型figure。

細個既時候,有砌過下高達模型,雖然唔係高手達人,油都無上,但砌完擺出黎都有一重莫明既滿足感。不過人大左,雖然都重好鍾意模型,但就無以前咁好耐性慢慢砌,轉移想玩figure多d,唔洗砌但又幾靚。之前已經想買聖鬥士既figure玩具,不過舊居無乜位擺,一直都係行過玩具鋪望下就算,而依家終於搬左,有多d地方,就想買下想要既玩具擺下。而早兩日,行經樓下鋪頭,見到有聖鬥士既figure賣,睇左陣忍唔住決定入手。不過第一隻入手既唔係五小強,係上任白羊座黃金聖鬥士,話晒自己係白羊座ma。呢隻玩具四舊幾水,港版,如果日版既話應該唔止呢個價,由於自己唔係收藏家,係玩家,會拆盒擺出黎,所以港版都無問題,本來想一次過買晒想要咁多隻,咁樣應該會平d,不過最尾都係決定逐隻買,每咁上下送禮物氹下自己應該會重開心。

2 則留言:

  1. 回覆
    1. 其實目標係儲齊十二隻黃金聖鬥士,而本來都想由現任牧羊座開始,不過樓下得先代牧羊,睇睇下又幾靚咪照買。

      刪除