2017年3月9日 星期四

開始要保養身子

一直以黎,都無乜病痛,只係睡眠質數麻麻,鬼咁醒瞓,有時因為唔夠瞓而頭痛,平時都幾健康下。早排老婆o係醫療集團做既阿嬸話驗身有平,見人到中年,有優惠驗下身都無壞既。

早個禮拜份報告返左黎,大體上都幾健康,不過有輕微脂肪肝,雖然好輕微,但為免越趨嚴重,平時飲食都要注意下,為左繼續可以食好野,唯有日常食健康少少,留返d quota放假/旅行食好d。平時開工食街外野多,要食健康d,就只有平時工作時間外,呢幾朝就食麥皮做早餐,口啖啖真係唔慣,真係想落樓下整返個早餐abcde,不過依家平時食一餐清清地,都好過以後餐餐都咁清,呢排食清d,月中去日本先喪食返補數。

4 則留言:

  1. 我同意, 平時健康, 但要享受時就唔好諗太多啦!

    回覆刪除
    回覆
    1. 平時留返d quota, 應用時就用到盡

      刪除
  2. 同意x2。平日儲埋有需要時可以盡情享受

    回覆刪除
    回覆
    1. 今日唔知聽日事,適當時候就要盡情享受。

      刪除