2017年3月26日 星期日

別了,姑姐

今個牛一,係我人生中最唔開心既生日,因為我姑姐離開左我o地。

生日前一日,岩岩由日本玩完返黎,等緊行李期間,家母致電告知姑姐情況唔樂觀,原來再早一日佢既情況惡化得好緊要,我於是即刻飛的返去擺低d行李,就趕過去。去到既時候,所有至親已經到齊,當時姑姐已經唔太清醒,指數相當差,但同佢講我已經黎左,佢都有點點反應,不過見晒眾人之後,姑姐亦陷入昏迷既狀態。其實姑姐真係好叻,曾經打贏過,過左一段時間復發,佢佢堅持再次打贏,之後總算經歷左多年既平靜日子,最近又再一次復發,上次入院,曾經醫生已經叫屋企人有心理準備,但佢依然撐得過去,可惜已經唔能夠進食要吊營養液,人消瘦得好緊要,但佢仍無放棄,只要精神好既時候就整呢樣整o固樣,就算自己唔食得都重整燻蹄俾我地。

坦白講,因工作關係,對死亡并不陌生,但親人離去,免不了傷痛,最痛心係當我睇住家父邊輕撫住已昏迷既妹邊語帶哽咽叫佢唔好掛住我地,安心咁去,唔好再咁辛苦既時候,我都忍唔住流下淚來。結果姑姐係呢晚之後既一晚離開左我地,雖然佢平時無表現出黎,但疾病既傷痛絕對唔會輕,如果依家既離去,能夠免除佢既痛苦,對姑姐姑丈同表妹亦未必係壞事,但願姑姐能夠好好安息!

6 則留言:

  1. 回覆
    1. 家父係舊一輩既人,重感情但藏心底。

      刪除
  2. 願你姑姐一路好走

    所以健康比任何野都重要

    回覆刪除
    回覆
    1. 或者咁樣係一種解脫都唔定,總算唔洗再辛苦,但願佢一路好走。

      刪除
  3. 言兄節哀,願你姑姐安息!

    回覆刪除