2017年3月10日 星期五

食信用卡迎新優惠

之前因為搬新屋既關係,申請左兩張新既信用卡,一張為左食迎新既飛行厘數獎賞,另一張就為左食免費既近新台灣機票+每簽滿四舊有得抽獎回贈。

早排收到短訊,迎新台灣機票張卡已經簽夠額,可以上華航個網訂機票,而老婆之前都申請左亦已經簽夠於是一齊上網訂,結果$774就買左兩張6月去台北既機票,早機去晚機返,但又唔會好早,十點三起機,返就夜晚十點機玩到盡,呢7舊幾只係稅同埋機場等費用。之後上華航個網,睇返同日既機票要成八舊幾水,兩個人姐係慳左千六蚊。當然,依家咁多廉航,又成日做推廣,有時幾十蚊張機票都有,最近什至有7蚊既機票添,不過搶餐死之餘,偶爾於討論區見d人某間出名平既廉航會改航班時間,而依家唔洗搶,又包埋機票,當消費後既一個bonus其實又唔錯。

其實如果真係要用錢,香港地用信用卡真係幾ok,有時會又折,又有回贈或者儲分/厘數,如果有d心機玩精d,真係可以好著數,不過自己無咁既心機,攞到dd著數既經係咁上下啦!

2 則留言: