2017年3月2日 星期四

失敗居多既美食車先導計劃

美食車中環食風 一日生意900元 海濱人流少 掙不夠5000元成本
http://m.mingpao.com/pns/dailynews/web_tc/article/20170222/s00002/1487700848249

薯片呢幾年做財爺,成事不足,年年計錯數,重要錯到離晒普o固隻,完全無令人有印象既功績。最令我有印象係佢成三十幾萬月薪話自己係中產,唔知粟米斑腩飯咩價錢,而最令人憤怒係佢竟然夠膽死提議注資落強迫金公然益班基金佬,雖然最尾唔成事,但都睇到佢同班fund佬幾friend。而佢離任財爺一職前,又提議學外國攪美食車,佢呢個遺作,依家事後孔明講,真係失敗居多,因為美食車個計劃根本唔適合香港,而當中最大既原因係香港太方便啦! 同外國唔同,香港地去邊都好快好方便,要搵野食隨時都搵到,咁到底美食車既目標客源係放o係香港人定遊客身上? 如果要做港人生意,香港人出名三分鐘熱度,什麼芝士旦糕/章魚丸子/芝士撻呀,有幾多last得耐,除非美食車能夠keep住保持新意同特色,否則熱潮應該只會維持o係開始既初期。如要做遊客生意,雖然美食車亦唔算咩吸引,但有人流既景點都應該有生意既,不過某d點閒日真係水靜鵝飛,無乜遊客,無本地人支持既話,都幾難做。而且政府計劃官僚到不得了,呢樣唔得o固樣唔俾,先導計劃十居其九死得,唯一希望係如果真係有後續計劃會有唔少改革先會有少少生機。不過都係o固句,要搵野食,香港大把選擇,美食車真係唔見得有咩馨香。

10 則留言:

  1. 其實薯片叔份人都幾假下、哋戲又渣,唔知點解咁多市民buy佢~

    回覆刪除
    回覆
    1. 從政既大把假人,呢樣我反而覺得好平常,不過無能o固下“紮洗“lor,我真係唔明點解咁多人buy。

      刪除
  2. 要FIX死架車停喺邊已經玩死人

    回覆刪除
    回覆
    1. 基本上成個計劃都唔掂,淨係以為外國d橋一定好,要攪美食車,不如諗下發小販牌,有香港既獨有特色lor

      刪除
  3. 呢度D食車係可以周圍搵生意的, 主要收入應該係各工廠放飯的時候

    回覆刪除
    回覆
    1. 戶外冬天又凍得濟,夏天又無冷氣,其實工廠區有唔少選擇。

      刪除
  4. 如果唔限食物種類,唔限地點,都有得做既,早餐去巴士站附近賣三文治,lunch去學校、工廠區賣飯盒,夜晚係屋邨賣塘水,放假去郊野公園或沙灘賣嘢飲,不過齋諗都辛苦。

    回覆刪除
    回覆
    1. 辛苦起碼有得做...而家固定位置真係吹脹

      刪除
    2. 都係o固句,如其推行美食車,不如諗下點優化小販制度好過啦!

      刪除
    3. 不過中產薯片邊會諗到

      刪除