2017年3月15日 星期三

股息收益@ 2017-03-08

原來早幾日已經收到互助社既派息,得807蚊。息率為2.6厘,得幾舊水咁少係因為之前無乜點擺錢入去,上年10月先開始擺返錢入去,但因為有限制唔可以一炮過擺太多入去,只能夠遂個月擺兩萬入去,本金少所以利息少。黎緊呢年將會收返多少少息,但呢兩日互助社又有新改動,就係每個月由可以擺兩萬入戶口改成只能夠擺萬五蚊,因為擺錢落互助社風險低,但又有咁上下息,最起碼比銀行多,所以唔少都擺左錢入去導致水浸,每年要派唔少息,為左控制派息出去既情況,就由新儲資金著手,唔俾人擺咁多錢入去。其實呢個情況,某程度亦都反映現今社會既情形,就係有資產既舊一輩人較易透過既有資產去增值,而年輕一輩想累積資產再增值但無咁容易。不過調返轉頭講,如果無上一輩人早早擺錢落互助社,互助社亦唔可以o係較平既時代買入資產,到今日亦唔可以咁低風險但又穩定咁派息,身為較年輕一代唯有繼續搵方法累積資產,到自己成為上一輩既人時能夠有一定既資產。

6 則留言:

  1. 近乎零風險有2.6厘都好好啊。好奇一問,如果要拎錢出嚟容唔容易呢?

    回覆刪除
    回覆
    1. 拎錢都算易既,打個電話,幾個工作天就拎返錢

      刪除
  2. 互助社也不失為一個投資的好途徑,好好利用,總好過隨便駛錢/借錢呢👍

    回覆刪除
    回覆
    1. 當分散下風險都唔錯既,不過亦可能會跑輸大市好多。

      刪除
  3. 前人種樹後人乘涼,真好。
    好過現代收租老人剪梯落石,報應在後人身上。。。

    回覆刪除
    回覆
    1. 其實前人自己一直都有得著,之前一路擺錢佢地都收左唔少息,叫佢地有so時我地都有咁啦!

      刪除