2017年3月8日 星期三

02/2017 現金流



02/2017
現金流入: 94965
現金流出: 69446
月現金流: 25519

二月現金流入比正常多,主要原因係做左筆60000蚊既貸款,其次係老婆資助左新屋餐桌餐椅既開支同埋拆左1800蚊既利是錢,重有460蚊左右既信用卡回贈。唔計呢d,其實現金流入重少左,因為之前過年公司預支既人工要分幾個月俾返公司。

現金流出情況依舊嚴重,除左日常開支,借貸還款等基本支出外,重多左好多額外洗費,當中梗係包括新屋既開支。二月又為新屋添置左幾樣電器,有抽濕機/電熱水煲/電飯煲/Dyson風扇,盛為11800大洋,另外床褥訂金又二千,餐桌餐椅4047(老婆資助已入現金流入,所以現金流出照入數),重有其他林林總總又六舊幾,單係新屋都近萬九蚊。另外訂3月去日本既住宿,其中一晚有私人風呂既旅館已經成四千銀,加埋另外幾日又成一萬五百多d。之後有千三蚊多d係驗身既支出。如果扣除呢幾樣開支,洗費比平時只係多少少,唔算多好多既。

三月現金流情況都唔會好轉,一黎未兌日本洗費,二黎新屋照舊有唔少開支,希望業績期出d靚仔少少既業績,遲下可以幫補下。


2 則留言:

  1. 呢幾期都係講新屋開支多呢。
    入左伙現金流會好番架喇。

    回覆刪除
    回覆
    1. 因為呢幾期最大開支都係黎自新屋,
      黎緊找埋尾數新屋開支就少好多,不過又到旅行支出la。

      刪除