2017年2月18日 星期六

令人痛心的判刑

早兩日,7警案已經作出裁決,7名警務人員全被判罪成,入獄兩年。評論之前,先表達自己既立場,我係偏藍既,但唔係深藍,唔會盲撐政府及建制,對於咁多年輕人係黃絲,主要源於社會既不公同睇唔到咩前景,所以我亦都明白同理解,唔一定非藍就一定錯。每件事都要睇多d,唔好因為自己既立場就完全抗拒對方既睇法,不過好可惜,香港既社會對立已成,要互相理解似乎只有極小部份人會做。

此案判決之前,立場問題,我不唯言希望佢地打甩,但結果罪成,亦不意外,但判刑一出,我真係痛心之極。o係呢個荒謬絕倫既社會,危駕醉駕撞死人都係坐3幾年,南亞推跌食環致死受1年,大專生帶大量煙霧彈企圖制造混亂隨時引致嚴重傷亡後果都係3個月,扔磚襲警就社會服務令,反而執法者就判兩年,真係唔知神聖既法官點判刑。
打人係唔正確,但我絕對理解佢地點解咁做,重記得當時警察受左幾大壓力同屈辱,印象最深係竟然送食物都要俾佔中者,而事發當日曾建超向警察潑尿液,所以拉佢既時候心入面重有做警察熱誠既有想將所受既屈辱還返俾佢都無可厚非,只不過7警走左歪路。而黃絲話佢地上庭唔認罪,係罪加一等,從來認唔認係被告既權利,不過唔認既話就等於罪成放棄減刑既機會,而之前曾建超上庭亦都唔認但亦罪成,當然黃絲亦當無事發生。而既然7警錯左就係錯左,亦已判罪成,我亦無意再辯護,而判刑係少不免,只不過神聖大偉官竟然重判兩年,真係令人好震驚,當然什麼知法犯法,什麼影響警隊聲譽,什麼什麼大把理據,但當唔少案d官都亂咁判,有d就官官相維輕判,連一條命都係有限判刑時,兩年既刑期兼唔准保釋明顯過重,司法界成日話司法獨立,實際無皇管既情況真係太過,法官只不過係平凡人,受情感立場所影響,完全唔受外界左右只係空談,適當既監管係必需,否則情況只會失控。犯錯判罪,係倡顯法治,但失衡判刑,亦只會令人失去對法律既信心。

9 則留言:

  1. 明顯過重, 我覺得係要判刑, 但冇可能重到咁.

    冇計, 法律邊有光明同中立? 好多律師都係morally corrupt

    回覆刪除
    回覆
    1. 法律從來都係黑暗,睇有錢人就算入罪,都有百般藉口輕判,官官相維既判決亦見唔少,依家再加埋政治既影響,真係唔知法治定官治。

      刪除
  2. 今次的判刑, 亦是一塊照妖鏡, 見到好多港豬的黑心。

    回覆刪除
  3. 最可惡係,我地意見變成藐視法庭,利用白色恐佈。
    結果大陸官媒,名人不停鬧,唔知d法律人士又點北上告人呢?

    真係唔知邊個地方先係真正無言論自由。

    回覆刪除
    回覆
    1. o係香港有咩好過做法官,公務員減人工都唔使減,做錯野又無監管,咩都話司法獨立都擋晒,有無上權威批評下都唔得,幾神聖。

      刪除
  4. 任何行業都有承受壓力和屈辱,可以用這個理由去打人?執法者知法犯法,罪加一等。
    警察不是義務工作,是有給薪金和福利的,從來警察這個職業除了除暴安良外,就是政府和人民角力的一道前線,承受不了壓力的話,就乾脆辭職吧。


    回覆刪除
    回覆
    1. 任何工種都有壓力,但因自己政見而叫其他人辭職,就好似武斷咗哋了...

      刪除
    2. Morris, 你好。
      壓力同屈辱的確唔係打人既理由,我亦唔認同。但同樣地,為左爭取而去潑尿/扔磚同帶大量煙霧彈去示威地方亦唔係犯法既理由。而做錯事要受法律制裁,我會咁講,做錯事而被入罪先會受制裁,同樣地唔少黃絲犯左法亦唔成功入罪,所以在於我既立場亦希望成功脫罪。
      而知法犯法,罪加一等,比警察更熟法例既法官律師犯罪理應罪加多等吧,但事實唔少官官相維既判刑係相當之輕,而且係罪加一等,而非五六等吧?帶大量煙霧彈去示威場地隨時會令情況失控引致嚴重傷亡都係判三個月/扔磚襲警判社會服務令,加一等都唔應該判兩年吧!當然大家立場唔同,睇既亦唔同,我只係講自己既睇法同感覺。

      刪除