2017年1月29日 星期日

新年快樂+年三十購物日

話咁快又一年,先祝大家新年快樂,財源滾滾。

話晒過年,點都要著下新衫既,於是趁年三十得閒d,同老婆出去行下街。過年前行街有樣好,就係唔少鋪頭都做特價,結果自己買左對Tiger波鞋,都係五舊幾,跟住買左兩條牛仔褲同一件衫,又係八舊幾水。再加埋老婆買既野,成日總共買左三千蚊鬆d。既然要洗錢,梗係要睇下簽邊張卡最著數啦!之前新屋買電器,已經食晒新卡既迎新,所以今次只能夠由回贈著手,而最著數既就係安信張新卡,至3月推廣期每簽滿四舊水可以抽一次獎,最少有廿蚊優惠券,最正係可以當免簽賬額咁用,結果o固日抽左三次,分別有百五蚊,四十蚊同廿蚊既e-coupons,共二百一蚊,本來之後重有簽諗住再抽,但原來一日只係得三次,不過計返整日既消費都有成6%回贈,比平時儲積分著數唔少,能夠善用信用卡消費可以減低出血量,唔怪得有唔少信用卡達人啦!

是次消費,其實都睇到做零售業既難處,簡單咁講,自己做o靚仔既時候買對波鞋都係幾舊,十幾年後買對波難又係幾舊,但租金人工都已經貴左唔少,而且依家網上購物又盛行,競爭更大,要賺錢真係無以前咁簡單。但唔代表實睇零售無生存空間既,起碼著上身既有時睇落好睇,但著上身好唔好要試過先知,而且行街可以當成一種娛樂,消遣既一種,咁一定有佢既生存空間感,只不過定位方面就要做得好d。

新一年希望自己都事事順利,身體健康,不求賺大錢,只求贏返d娛樂洗貴就已經唔錯啦!




10 則留言:

  1. 祝雞年賺多d

    零售租金,人工佔左大部份,又俾網上侵占,係好難做

    回覆刪除
    回覆
    1. 係難做,但網上購物唔會完全取代到實體零售既。

      刪除
  2. 安信張卡真係幾正,言兄幾好彩,抽到百五蚊

    回覆刪除
    回覆
    1. 我試過一次抽到兩舊水,可惜三月就推廣完。

      刪除
  3. 其實好多野都無乜加過價.
    加, 都係因為租貴.

    收租個班, 都係要食貴租, 除非佢做原始人.

    回覆刪除
    回覆
    1. 日常野就加得多,其他衫褲鞋襪等真係算加得好少。

      刪除
  4. 將來大品牌點都要有實體店., 可能實店變左宣傳, 或比人試既效用. 跟住d人會網上買.

    回覆刪除
    回覆
    1. 我反而覺得網店係宣傳,吸引到人去實體店度試,試完易d落搭。

      刪除
  5. 賢兄2017賺多哋!玩樂之餘也休息充足啊:)

    回覆刪除