2017年1月7日 星期六

16年現金流



2016年
現金流入: 七十二萬多d
現金流出: 一百萬多dd
年現金流: 負廿七萬幾

現金流入方面,最大份係人工,已扣強迫金有三十八萬左右。其次係投資回報加股息收益,有廿七萬多d。之後係五萬蚊既借貸。

現金流出方面,最大份係買股用左近三十萬。其次係借貸供款,廿萬多dd。跟住就係新屋既支出十五萬幾。

年現金流負廿七萬幾,的確唔少,但某程度上,呢廿幾萬只係買股支出,跟據返以往既投資紀錄,第時好大機會都收得返既。而且新屋既支出唔係年年有,應該係呢兩年先會有,之後就唔會再有咁大份既額外支出,所以正常既話,希望不久將來現金流可以收支平衡。

今年係第一年以現金流作結,黎緊會繼續累積落去,累積既現金流為負數越耐,就代表投資方面越無效率,不過由於呢個現金流係計埋日常開支,有可能洗大左/洗少左而未能完全反映到投資方面既效率。

19 則留言:

  1. 言兄的記錄很詳細呀!!!

    //呢廿幾萬只係買股支出,跟據返以往既投資紀錄,第時好大機會都收得返既。

    根據我的觀察,言兄的投資不單止可以取回,應該是十倍奉還吧

    回覆刪除
    回覆
    1. 乜半桶水兄咁早呀?
      依家用apps好方便記低開支。不過如果單純想計投資既現金流,就唔好記日常開支會好d。

      十倍奉還,我都想呀!

      刪除
    2. 百倍奉還也不出奇呢XD 到時麻煩賢兄開投資班~

      刪除
    3. 有小朋友就係咁早起身架喇...唔駛返學既日子佢哋特別早起身...

      我都想用apps記錄家庭支出,言兄有無推介?

      刪除
    4. 我依家用緊個apps叫3Q記賬本,唔洗錢得黎叫ok好用。

      刪除
    5. Cherry:有一倍我都偷笑啦!重話百倍咁誇添

      刪除
    6. 等我試下先,想記低醫療和學費支出

      刪除
    7. 好有恒心...今年我記咗幾個月又放棄咗 XD

      刪除
  2. 你應該把股票值加返入去收入個邊, 因為唔係消費用曬, 咁會清楚好多 !

    回覆刪除
    回覆
    1. 到賣股o固時就會擺返入收入一欄

      刪除
  3. 投資收入同工資收入只差少許,言兄果然厲害!亦佩服言兄的透明度!

    回覆刪除
    回覆
    1. 只係好彩押中隻股,希望長遠都keep到咁既表現。
      現實中無咩人知我呢個blog,透明少少都無所謂。

      刪除
  4. 回覆
    1. 因為住緊既老婆屋企,平租過市價唔少。

      刪除
  5. 好詳細呀
    我得股息收入,投資收益冇記錄

    回覆刪除
    回覆
    1. 2x個投資收入,已經等如收好多年息,勁

      刪除
    2. 點解唔記錄投資收益? 某程度我覺得比股息收入更重要

      刪除
    3. 用左渣打,冇最低佣金後,經常細細注多次買,冇再紀錄買入賣出價,所以冇投資收益紀錄
      只有每3個月一次股票總市值紀錄

      刪除
    4. 我認為無論大注細注都應該記錄低。
      如果細注買賣,可能証卷行平d。

      刪除