2016年12月8日 星期四

是日交易@2016-12-08

o尋日做左今年第二次既股票買入,就係以3.41入左幾萬股葉氏化工。

點解會買入葉氏化工? 其實一直以黎都覺得呢間野唔錯,自己亦於年頭入左三萬幾股持有到依家,到出左中期業績,有感最壞既時刻已經捱過,而且最近亦有一則睇落係壞消息但我認為係好消息既交易。基於呢d原因,自己一直想再買入。但年頭買入之後,股價就慢慢向上,出中期業績前,自己當時仍認為全球經濟根本無改善,所以一直等睇下有無機會回d先買,到出中期業績,覺得買得過但股價已經升左唔少,對比之前買入好似無咁抵,於是又無買。直至依家個人認為股市開始進入狂熱狀態,只要唔太超預期既壞消息市場都無咩反應,什至可能當好消息,就好似以前一直係壞消息既加息咁,黎緊12月只要加息幅度唔太過份,市場好大機會會話消除加息疑慮當好消息,似乎短期內都唔會有極大震蕩,而且又有一個我認為係好既消息,所以就算依家葉氏比年頭升左五成都決定買入。對於之前大把機會買入既時候無買,無可否認係做得好差,絕對需要檢討,但衡量過依家追入既風險係可承受範圍之內,而股價仍有向上空間,手頭上仍有相當既現金,加些小注碼係可以接受,而今次高追大約用左六分一既現金。到底今次高追是福定是禍,遲下自會知。

2 則留言:

  1. 我都係有3萬幾股喎,咁你依家多過我la,對比買入價係升左唔少
    依家買係冇咁抵,不過相信可以有4字頭

    回覆刪除
    回覆
    1. 真係貴左唔少,我之前o固3萬幾股2.24買,依家貴埋左之後平均要2個9毫幾。不過如果大市唔太差,4蚊應該會到既。如果再有好消息,再多d都有機。

      刪除