2016年11月9日 星期三

天真既支持者

美國大選終於告一段落,結果由被稱狂人既特朗藉贏出,希拉里既總統夢終於玩完。其實邊個贏都好,都只係爛橙同爛蘋果既分別,一個就係無誠信政棍,一個就毫無政治經驗既商家,要靠佢地帶領解決國家既問題,真係得啖笑。而最令我覺得好笑既,唔係呢d垃圾政客,而係當佢地神咁拜既支持者,每次見到呢d支持者o係會場既狂熱表現,真係笑死我,爛生果贏左就好似自己當選咁狂歡,輸左就好似自己落敗咁痛哭。其實佢地知唔知政治到底係咩?唔係真係以為班政客係聖人主動出黎拯救國家卦? 從來政治都係黑暗,從政最緊要係咩?能力? 誠信? 人脈? 呢d都唔係最重要,最重要既係資金。政治重來都係講錢,有錢可以包裝宣傳,掘對手黑材料,收買有能力既人以至傳媒,做洗腦工程,而d錢邊度黎? 咪就係由權貴富人所黎,試問政客會唔會得罪自己既金主? 點解老美既總統玩黎玩去都係得民主黨同共和黨? 原因係兩黨最多錢。而有錢既金主們或者同時押注兩邊,邊一邊贏其實都無問題,最終都可以從政策得益攞返黎。所以當睇到班盲信政客既支持者,真係唔知佢地天真定白痴咁可笑。

8 則留言:

  1. 其實支持者真正身份係...「專業演員」 XD

    回覆刪除
    回覆
    1. 咁當然有人做媒去攪熱個氣氛啦!

      刪除
  2. 班盲信者真係好似港豬咁好笑:)

    回覆刪除
    回覆
    1. 班人被洗晒腦啦!不過佢地唔知lor

      刪除
  3. 好多美國人一出世就被洗腦,一定要選擇做民主黨人定做共和黨人,果種敵我分明可能仲勁過香港啲黃c藍c。

    回覆刪除
    回覆
    1. 香港依家走緊台灣條舊路,再係咁都無運行。

      刪除
  4. 我最簡單,你班人自己舉牌,唔好煩到我,就係咁XD

    回覆刪除
    回覆
    1. 你呢d正係黃絲口中既港豬。 haha

      刪除