2016年10月30日 星期日

善用一下信用卡優惠

香港既信用卡其實都算幾多優惠,自己平時主要用開兩張,一張儲下里數,另一張就當自動增值八達通賺下少少現金回增。重有一張就會趁偶爾做優惠,可以用有折既積分換coupons既時候用,對上一次就換左千五蚊pizza hut coupons。自己好少特登去搵某d推廣而用邊張卡,除非咁岩睇到,不過咁,黎緊將會搬新屋,將會買唔少家私電器,我呢d窮鬼平時簽卡只係少少少少咁簽,但今次一簽簽幾萬蚊,咁梗係要賺多少少優惠啦!於是就申請返兩張新既信用卡,賺下迎新簽賬既額外里數,一張簽7千5有萬五里,一張就簽一萬樓上兌到兩萬里,而現有既卡咁岩又做推廣,一張簽一萬五百就有六百蚊回增,另一張夠一萬之前儲落既積分換里數可以換到多10%。洗錢得黎叫有返個安慰獎,都做肉赤得黎有dd甜下咁啦!

8 則留言:

  1. 等緊言兄開文講"出血"經驗, 呵呵XD

    回覆刪除
    回覆
    1. 黎緊每月現金流會提下出血量。

      刪除
  2. 千五蚊COUPON, 當你20000分一張百百, 都成三十萬~~~

    回覆刪除
    回覆
    1. 所以要等有推廣,有折先用積分換coupons,咁就抵好多。

      刪除
  3. 如果平時駛錢唔多,儲里數真係要極大耐性,搵有現金回贈的信用卡比較方便

    回覆刪除
    回覆
    1. Mike兄和賢兄用信用卡都好熟手,反而我工作上多直接收cash,平日寫支票/刷卡的機會少之又少,大鄉里呢XD

      刪除
    2. Cherry姐用cash才是大款呢

      刪除
    3. 半桶水: 係架,如果唔係最近食d推廣同迎新,有排先換到機票。有時即時回贈係好d。
      Cherry小妹: 我就係唔熟d優惠先儲得咁慢,d里數達人真係好勁知道點簽最著數。

      刪除