2016年9月2日 星期五

W hotel 之 buffet



對上一次食buffet已經係好耐之前既事,原因係我同老婆都唔係大食既人,去食buffet係唔會回到本既,而且大部份buffet食物水平都係一般,雖然同一時間有咁多選擇,但與其用左個quota去食buffet,倒不如用同等價錢食其他野,貴精不貴多嘛!不過早幾晚晚就同老婆去左W食buffet,因為之前見佢做promotion,兩位888,都唔算貴,於是book位試一試。

好老實講,食物質素好一般,而且種類唔算多,刺身有大路既三文魚/吞拿魚同油甘魚,海鮮類有生/龍蝦/面包蟹,另外沙律/芝士/熱食/甜品都每樣有幾款選擇。不過刺身同海鮮新鮮度一般,而且海鮮refill速度慢之餘每次數量唔多,每次一出就俾少數食客掃晒,熱食得數款,而且成晚唔轉款,味道又麻麻,最佳係沙律,夠新鮮爽脆,甜品都好一般。雖然食物水準一般,不過服務水平唔錯,當我同老婆selfie既時候,一個後生男經理一見到就主動埋黎幫我地映相,而招呼我地既女侍應亦相當“茵”勤,令人感覺唔錯。不過食完之後,感覺都係對自助餐興趣不大,下次都係俾同樣既價錢食其他野會開心d。

最後,雖然話經濟好似無之前咁好,不過今次W做promotion,我7月頭打去訂8月既位都得返一兩閒日有位,當日的確full晒,而且似乎大部份客都講廣東話,非強國客,可見香港仍有唔少人消費得起,經濟係無之前咁好而唔係差,個人認為香港既經濟正走下坡,曾經認為經濟會下滑得幾快,似乎仍逃不出大方向正確但細方向有相當誤差呢個命運。

14 則留言:

  1. 回覆
    1. Promotion就淨係做8月,平時要六舊幾一個。
      食就無限時,6點至10點,無分時段。

      刪除
  2. 現在都市人講求享受,吃喝玩樂的年輕人真係周街都係=)

    回覆刪除
    回覆
    1. 後生一代追求享樂主義,其他之後先算啦。
      不過我o固日去,唔多後生仔女。

      刪除
  3. 對的, 我番香港時都覺得係走緊下坡, 但仲未係最差既時機.

    回覆刪除
    回覆
    1. 唔止香港,其實全世界都係走緊下坡,不過起初預期香港會衰得快過人,但事實同我預期差好遠。

      刪除
  4. 回覆
    1. 蠔都算ok,不過出得慢同少,一出轉個頭就無晒

      刪除
    2. 其實咁食Buffet不如去啲蠔吧食個飯。

      刪除
    3. 上兩星期,去左九龍香格理拉晚市(有人請),開蠔速度快,唔駛排。
      不過後生去就正。
      老人家食唔到幾多,除非仔女不了解父母又少相處,帶長者去高檔餐廳食high tea 好過啦。
      我兩老都係咁話

      刪除
    4. Micheal: 你講得絕對正確,我地只不過耐無食,又見佢特價先去食,不過都係唔岩我地。

      70兄: 就算我地呢d中男,去到都係眼闊肚窄多,依家食野都係重質不重量。同老人家食飯,buffet真係未必岩佢地。

      刪除
  5. 作者已經移除這則留言。

    回覆刪除
  6. 香港人實力雄厚,睇買樓就知,食自助餐好閒姐,走下波反而係強國人明顯啲。

    回覆刪除
    回覆
    1. 咁又係既,睇下重有幾多父幹買樓既例子,食buffet完全唔係咩一回事

      刪除