2016年9月21日 星期三

繼續保守

自從15年9月開始,唔計期間嘗試股票期權,投資方面賣股居多,係16年1月買過幾萬蚊咁大把,原因係自己認為依家全球既經濟環境只係由扭曲既政政策支撐住,跟本整體經濟係無乜起色,始終有日係需要還既,所以套現左既資金,都無做咩投資,只係好保守咁o係銀行做左個定期,叫賺下里數,而呢筆資金上個月已經到期,依家睇返轉頭,似乎呢個係一個錯既決定,呢排股樓都升返唔少,如果之前唔做定期而買股,最少有20%+既回報。雖然係咁,自己仍然堅信大環境依然不濟,始終仍有機會,現階段都係繼續保守,但又唔想到期既資金就咁閒置o係度,諗左一輪,終於諗到個風險低,但回報o係呢個時期算可以接受既投資,就係擺返多少少錢落去儲蓄互助社度。其實初初出黎做野既時候係無咩投資既意識,所以當時儲錢落互助社已經叫好叻仔,起碼d息好過擺銀行,不過自開始買股票,拎返大部份之前儲落既錢之後,每月只係象徵式咁擺一舊水落去。不過由8月開始,決定重新擺返多d落去,睇返呢幾年既息率,最高息係07年既6厘,最低係12年得2厘,近3年就兩厘幾至3厘,都係係咁啦!而最重要既,係呢項投資風險較低,依家互助社既資產值,應該比唔少上市公司重要好,而且唔少物業投資係多年前買落,相信就算大圍環境差派息少都會有兩厘。不過互助社最多只可以存一球,每個月只可以擺兩皮,所以回報真係有限,叫比閒置好少少咁,到底咁做會唔會好似之前咁又再錯,遲下就會知。

12 則留言:

  1. 回覆
    1. 互助社唔好在唔可以一次過存一大筆錢入去,如果唔係就再好d。

      刪除
  2. 互助社又好,Mortgage Link又好,都係一個較高息又安全既現金存放地方,除非好有信心咁哂冷落一項投資,否則都應該會保留部份資金係入面。

    回覆刪除
    回覆
    1. 依家似乎唔係晒冷既時候,唯有保守d la

      刪除
  3. 完成未聽過互助社, 私人公司? 是否信得過?

    回覆刪除
    回覆
    1. 上網求祈搵,叫有係咁易講下互助社咁,有興趣可以望下。
      http://hk.apple.nextmedia.com/news/art/20081222/11998055

      刪除
  4. 其實係咪做言兄果行先可以買得?好似幾啱我老婆既保守作風。

    回覆刪除
    回覆
    1. 好多政府部門,私人公司(e.g.地鐵/pccw),教會,大學都有其互助社,唔知你老婆o固行或者公司有無

      刪除
    2. 佢而家冇做嘢,咁無辦法,都係要買返儲蓄保險或者做定期!

      刪除
    3. 祝賢兄投資計劃成功!

      原來森而兄的太太現為全職主婦,也祝願你的期權策略愈賺愈多~一人養四口真的不容易,辛苦哂!

      刪除
    4. Cheery小妹,我d所謂投資計劃都係斷估,我都希望成功。
      森而兄一個人搵4個人食,真係幾辛苦,不過投資成功可以幫補下。

      刪除