2016年9月7日 星期三

強迫金部署@2016-09

一直以黎,得閒都會留意下自己份強迫金,o尋日見無咩野做,見最近股市升左唔少,又再click入去睇下自己份強迫金。睇返原來由2006年2月到今年9月,按年計算之收益率得2.84%,真係少得可憐,睇黎都要積極d跟進下自己份強迫金先得。

其實定時都有轉變下強迫金既部署,2014年10月將一半已供既強迫金由高風險(中國股票/香港股票/亞洲股票/均衡基金)轉左去做保本,而每月供款都由高風險轉埋去保本基金。至15年8月,又再將每月新供款供返落港股同中國股票,到11月又供返保本,到16年1月,見個市無啦啦跌唔少,2月開始又月供返香港指數基金同中國股票基金。不過由9月開始,新供款又轉返去保本度,費事越供越貴。而之前供落既高風險基金,就暫時由佢,睇下食唔食到呢轉升浪。

雖然話會積極跟進自己份強迫金,但到底會唔會做多錯多,都係未知之素,希望到退休份強迫金真係幫到下手啦!

13 則留言:

  1. 好多人都唔理自己份MPF,唔少人MPF佔資產多數呢。
    我長期留在恒指TRACKING。。。

    回覆刪除
    回覆
    1. 其實供供下都唔少錢,依家強迫金已經佔我既資產三成,所以要適當管理下佢。

      刪除
    2. "強迫金已經佔我既資產三成"~
      咁個百分比又真係幾多下,祝賢兄的asset reallocation成功順利=)

      刪除
    3. Cherry小妹,因為隨年資公司供款比例會多d,不過唔會再升lu。如果好似平時各供5%既話,就應該得返資產既一成半。

      刪除
  2. 強迫金而家全數恒指,等回報到3成先轉保本,牛3應該點都有3成掛!

    回覆刪除
    回覆
    1. 每人策略唔同,我d強迫金,有一半資金仍在較低位所供既股票基金,就算大市升,賺唔盡都叫有得賺。而每月供款就轉保本只係費事越供越貴。話唔定大市去到3萬點,但亦可能會大跌,自己唔識睇所以採取保守d既方向。

      刪除
  3. 作者已經移除這則留言。

    回覆刪除
  4. 我都改左新資金去低風險money fund

    回覆刪除
    回覆
    1. 咁已供既你有咩部署? 可否參考下

      刪除
    2. 上星期剛落指示將組合變成40%恆指30%環球已發展國家房地產30%環球已發展國家指數,因為仲未生效,所以而家無得再轉。遲下好大機會加入money fund,各佔25%。

      刪除
    3. 我就一半保本睇下有無機會大跌先換返股票基金。

      刪除