2016年8月7日 星期日

香港同中國加油

奧運尋日終於開幕,o係香港今屈奧運氣氛似乎無之前咁熱烈,不過自己都有留意下奧運既消息,亦都透過大台睇自己鍾意既項目,一有國家隊同香港隊既運動員出場,更加會落力打氣支持。

第一日入面中國射擊選手杜麗贏唔到奧運第一金,而游泳選手孫楊亦衛冕失敗,雙雙屈居亞軍,的確有d可惜,不過運動場上總有輸贏,我地要欣賞既重有運動員背後付出既汗水。但好遺憾,依家唔少香港人真係反共反上腦,只要同中國有關既都要反,毒果報既fb都有報導呢兩單消息,入面既留言,唔支持都算,但當中好多竟然希望自己既國家輸掉比賽,重要唔少難聽既留言,真係令人覺得恐怖。的確中國有好多地方未完善,而大陸人亦令唔少香港人覺得好困擾,自己亦都好厭惡強國人某d表現,但能夠見到自己國家既運動員出戰奧運,我絕對唔會希望佢地輸,會為佢地加油,而盲反至呢種程度,呢d就係真係既洗腦教育。

最後,希望香港同中國既運動員都可以o係奧運做出好成績,加油!!!

P.S. 呢篇文章我o係趁睇奧運賣廣告期間打既!!

沒有留言:

張貼留言