2016年8月5日 星期五

由球員轉會看世界熱錢盛況

自己唔係足球狂熱,不過間中都有睇下波,雖然係睇精華多。對於有留意足球既人,都會留意下每年既轉會市場,今年暫時最注目既,應該係呂布加盟紅魔鬼,但轉會費最高既,就係希古恩以九千萬歐元,即係成十億港元加盟班馬兵團。

希古恩唔係唔好波既,上年重係意甲神射手,實力無容置疑,絕對係A級球員,不過同美斯/C朗/咬人蘇呢d S級球員比,硬係好似重爭dd咁,不過呢d都只係我個人意見。如果以九千萬歐元買個S級球員,個人都認為貴左d,更何況以呢個價買個A級球員。不過如果有留意開轉會市場既話,可能都會留意到呢幾年既轉會市場貴左唔少,某程度反映左現今既熱錢盛況。而呢d A級球員高價轉會,就好似股票市場入面一隻業績好少少既股票,因為市場錢多而炒貴晒咁。S級球員因為罕有,所以個價特別高係好正常,但依家連A級球員都炒貴晒,如果熱錢繼續既話,連d較低級既球員都炒上去。

其實唔單止球員,好多野係呢個熱錢過盛既情況都已經炒貴晒,球員俾人炒貴都還好,因為唔係咩切身野,但唔少原材料食材等等俾人炒貴晒,就真係切身感受到,所以點解全世界係咁印錢,等閒市民都感受唔到,就因為熱錢太多咩都貴晒,錢經過N浸落到小市民手已經所餘無幾,結果只係肥左富有o固班人。

3 則留言:

  1. "錢經過N浸落到小市民手已經所餘無幾,結果只係肥左富有o固班人"

    完全同意,所以如70兄所言,新一代要用破格思維,而非行舊路來對抗上一代霸權。

    回覆刪除
    回覆
    1. 依家既遊戲規則,係由最富有o固班人黎訂,基本上佢地係富可敵國,什至係國家背後既控制者,妳唔見老美玩黎玩去都係o固兩個大黨咩? 不過要改變某些霸權,都還可以,好似要打擊零售租務既霸權,網上零售已經係一個突破點,而科技發展繼將會係某些霸權既突破點。

      刪除