2016年8月21日 星期日

里奧之不吐不快

奧運會終於到曲終人散既時候,今屆入面,林丹李宗偉兩大羽毛球高手既世紀大戰固然令人難忘,賽後兩位互換球衣,再黎個惜惜相惜既擁抱,真係有種男人既浪漫。但最令我印象深刻,係中國女排上下一心,排除萬難,逆境中擊敗強敵,重奪失落多年既錦標,睇到中國女排贏波o固刻,自己都相當滾動。

但有一件事,亦令我相當介懷,就係關於中國泳手孫楊。事先聲明,個人唔係佢既支持者,對於佢目中無人,過份自傲實在令人反感,但無可否認,佢係一位有實力既選手。當400米孫楊以些微輸左俾澳洲泳手,被對方揶揄曾服禁藥,之後另一泳手又參一腳,之後孫楊贏左200米賽事,口出狂言,自稱1500米之王,結果初賽就出局,一眾黃絲當然如獲至寶,不住針對佢食禁藥。其實批評孫楊絕對無問題,正如我批評佢自大狂妄既態度,但批判既同時,應該以同一標準去批判其他運動員。孫楊曾因禁藥被罰停賽3個月,但李宗偉亦曾因禁藥事件被罰停賽8個月,點解班友唔因為咁批評李宗偉? 我唔係為孫揚開脫而拉李宗偉落水,實際上我係林丹fans但亦係李宗偉擁躉,當日世紀大戰我都不知幾矛盾,又想林丹贏又唔想李宗偉輸,我只係不爽佢o地因孫楊係中國運動員而雙重標準。我會批判孫楊,係因為佢既態度,但同樣地,如其他運動員好似佢咁囂張,一樣會令我反感,我知道俾黃絲睇到呢篇文,一定話我係五毛,什麼玻璃心,但實際上,可能玻璃心既係佢地都唔定,否則又點會雙重標準得咁交關。

12 則留言:

  1. 今届奥運實在太好睇,人性盡露~

    我個人就最鐘意睇運動員赢咗後跪地痛哭嗰一幕,是否好哋變态?=P

    回覆刪除
    回覆
    1. 我就覺得今屆一般般啦!始終巴西攪得麻麻,不過某d場面真係幾令人印象深刻。
      估唔到妳咁變態,不過我都鍾意睇佢地贏左o固刻既反應。

      刪除
  2. 今屆睇咗機場羽毛球賽 覺得球證嘅權力似乎過大 例如飲水啦換球啦抹地啦 都要得到佢主觀批准先可以權力大過法官

    回覆刪除
    回覆
    1. 咁就兩睇啦!如果隨便俾球員咁做,又有可能被濫用,最緊要取得平衡,不過林丹銅牌戰既裁判好似唔係咁公平lor

      刪除
  3. 睇中國女排贏左,fb 無乜post,就知黃絲唔少玻璃心。
    利申,我一場都無睇,實在太忙。

    回覆刪除
    回覆
    1. 你忙住炒旦,無計啦!我都唔係樣樣都睇,不過女排真係my favour之一

      刪除
  4. tvb有播女排嘛,不過中國女排真係好睇,睇住中國隊一場一場打贏,的確爽
    原來佢賽前所有人都睇淡佢

    回覆刪除
    回覆
    1. 講真論實力中國女排係爭少少,我香港站有睇係真係欠d火喉,不過勝在團結有鬥心,而且郎平教練帶領有方,睇住佢地關關難過關關過,真係好爽。

      刪除
  5. 整個奧運只係睇左一場女排決賽,好睇!至於其他網上言論算吧!

    回覆刪除
    回覆
    1. 唔少運動都好好睇,你走寶啦!
      其實係有時睇唔過眼d鍵盤廢物鳩up。

      刪除
  6. 整個奧運冇咩點睇, 不過巴西做得好差, 連水池d水都唔clean.

    回覆刪除
    回覆
    1. 的確今次奧運真係做得好差,攪奧運短期既經濟效益有限,重點係藉住奧運建立國家影像,吸引未來既發展。但今次完全失敗,開幕前唔少場地都未攪掂,又有寘卡病毒,總統都因貪腐落馬,而開始左又有種種問題(綠色池水/中國國旗出錯等),攪個奧運錢就洗左,但重整衰左國家影像。

      刪除