2016年7月18日 星期一

球員受傷都要拉扯到政治方面

依家唔少外國球員到中超掘金,前車仔球星丹巴巴亞都係其中一員,以前佢踢紐卡素既時候都踢得唔錯,曾經都與兵工廠扯上關係,可惜最終加盟左車仔,跟住再去左中超,之後就無再留意,因為無興趣睇中超。

早兩日又睇到丹巴巴亞既消息,不過唔係好消息,因為佢o係球賽中斷腳,但我最初睇到呢則消息,唔係由d體育網站睇返黎,而係由d唔係幾熟既朋友fb所bookmarked既黃絲專頁熱血時報睇到。以下係丹巴巴亞受傷既片段,驚既就唔好睇,因為受傷o固野幾得人驚下。http://football.fanpiece.com/m/soccerfunnymoment/c1236502.html

講真,丹巴巴亞呢次受傷真係好嚴重,但點解連黃絲既專頁都關注? 無他既,全因事件發生o係中國囉!黃絲專頁post左呢單消息,其擁躉就係咁發表偉論,當然一面倒批鬥踢傷丹巴巴亞既中國球員孫祥,但我睇返呢次受傷既片段,的確今次既攔截係較為強硬,但導致斷腳o固下係o係孫祥失平衡下跌到丹巴巴亞隻重心腳,要o係咁既情況下踢對方,真係有相當難度,唔似故意做成。其實踢足球斷腳,外地聯賽都有發生,淨係佢地最崇拜既英國,其超級聯賽都發生過幾次,兵工廠藍斯都賴過野,唔少更係蓄意犯規,不過佢地就唔會發布呢d消息。咁又係,要向其信徒洗腦,梗係淨係揀對自己有利既黎發佈,接收者不停收到呢d資訊,就認為得中國係唔好。

唔係話替孫祥辯護,導致其他球員受傷佢絕對有相當既責任,而呢場球賽總總共出左多面黃牌紅牌,好明顯踢得好火爆,呢d情況絕對唔應該,但做人唔應該雙重標準得咁交關,英超出現同樣情況唔出聲,但中超出現就大事批判,為政治而做到咁樣真係好醜陋,可惜唔少人就受落呢套。

最後,希望無論係咩球賽,都唔好再有呢d咁恐怖既畫面出現,亦都希望社會o係反對既同時,唔好一面倒咁盲反。

2 則留言:

  1. 有時facebook見到有一些page, 完全冇內容, 次次update都係吊內地 (毫無原因下, 係咁吊), 但好多人like. 真係世界變, 香港有少少似內地當年文革初期, 可以毫無理由下吊人, 但有好多人支持

    回覆刪除
    回覆
    1. 總之依家中國既野就一定唔好,外國既就乜都好,只要係反中國反共既,無論有無內涵都好,都有好多人盲目讚好,最可悲係班黃c,反到做人最基本既憐憫心都無埋,你睇下台灣車禍d comments就知。

      刪除