2016年7月10日 星期日

金融核爆

重記得脫歐公投結果一出,環球股市當日即刻大瀉,報章重用金融核爆黎形容。點知係頭一日跌多d之外,跟住都無咩料到,最近已經好似無左回事咁,環球股市升左唔少,美股升下升下重升穿一萬八千一百點。明明話係核爆,點解咁快就無晒事既? 其實個人認為,金融核爆係遲早會發生,其實自次按危機,到之後所引發既金融海嘯,當時歐美國家早應要找數,只不過美國率先放水,透過財技拖延問題同轉嫁俾其他國家,其他國家都唔係傻,無理由無啦啦幫你埋單,你放水我又放,大家衰埋一堆,總之將問題拖得就拖,結果問題好似無爆煲,但實際只會越黎越大煲,放極水經濟都無咩起色,到再有問題出現既時候,跟本已經再無手段可以去應對,而今次英國脫歐,或者只係引爆既一個引子之一,可能係等於發射核彈前輸入左其中一個密碼,再等其他金融危機出現,輸入埋另外幾個密碼,到真係爆發既時候,除左屍橫遍野之外,重會有段時間寸草不生。呢個世界,出得黎行,預左要還,風流過後都要找數既。

沒有留言:

張貼留言