2016年7月27日 星期三

檢討買入認沽期權

對於投資既衍生工具,本人基本係白馬乜乜,什麼窩輪牛熊証都無玩過,以前淨係試過沽股票認沽期權,目的只係諗住賺少少權金幫補下,到價就入貨咁。不過早排開始,試下買股票認沽期,睇下可唔可以o係跌市中多樣賺錢途徑,結果經過幾個月既試驗,當中有贏有輸,但其實輸多贏少,埋單輸近12500。

初步結論係自己暫時唔適合玩買入股票認沽期權,原因唔係因為輸錢,記得初嘗買股票既時候亦都有贏有輸,但當時未有覺得唔適合,而點解覺得買入期權唔適合,其中一個原因係我買股票係憑感覺,而呢種感覺短期未必準確,我買股票,當然會分析,用d bb班水平分析後,感覺唔錯就吼位買入,買入價都係憑分析所得,感覺係時候買就買,由於自己一揸就一段時間,暫時計買入既唔少股票長線都有一定既回報,但短線方向仍未拿捏得好,買入時可能點穴一段時間或再尋跌位,而且我買既唔咩大股,有時唔太跟恆指反映,但股票期權好多時都無我想買既股,買d大隻少少既,自己無乜留意之餘又比較跟大市方向,小弟又唔係圖表派,對短線大市方向無咩把握,所以之前買期權輸錢,多數因為時間太短,股價方向最終向意願發展但已經太遲,而最近o固次買入騰訊認沽期權直頭撐住大市係咁升,輸到渣都無。而且自己都未掌握買入/平倉/止蝕等時機,曾經有試過贏緊成萬蚊,但無止賺到最後得返幾百蚊,而無止蝕成日想等蝕少d結果渣都無,都明顯顯示時機操作出問題。

經過檢討,似乎要再熟悉先買入股票期權,而且時期較長似乎較適合自己,現階段都係模擬操作下先,之後有機會再去實戰。

9 則留言:

  1. 買正股都要睇時機!用感覺好易輸在起跑線呢。。。

    回覆刪除
    回覆
    1. 其實投資時機真係好重要,我都重學緊。

      刪除
  2. 將時間放在正股上,你會得到更多。

    回覆刪除
    回覆
    1. 唔試又點知work唔work?不過我都唔少正股

      刪除
  3. 期權真係易學難精... 要走位快...
    做cover call好安全但係lock死左profit. 都有好有唔好.
    大升會miss左多, 食少好多.

    回覆刪除
  4. 如果你最後唔會exercise, 做bull/bear spread 長倉會較安全.

    回覆刪除
    回覆
    1. 其實我都想止蝕,不過成日又想等佢個價好d先,結果就渣都無。

      刪除